2016 جىلعى 12 تامىز , استانا قالاسى
«مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارىن بەكىتۋ تۋرالى»
قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 16 قاڭتارداعى
№ 17 بۇيرىعىنا وزگەرىس ەنگىزۋ تۋرالى
بۇيىرامىن:
1. «مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 16 قاڭتارداعى № 17 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10111 بولىپ تىركەلگەن, 2015 جىلعى 27 قاڭتاردا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىس ەنگىزىلسىن:
كورسەتىلگەن بۇيرىقپەن بەكىتىلگەن مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارى وسى بۇيرىققا قوسىمشاعا سايكەس رەداكتسيادا جازىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ باسپا جانە ەلەكتروندىق تۇردەگى كوشىرمەسىن مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالانۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ۇلتتىق ەكونوميكا مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشiلiك ەتەتiن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق 2017 جىلعى 1 قاڭتاردان باستاپ قولدانىسقا ەنگىزىلەتىن وسى قاعيدالارعا 2-قوسىمشانىڭ 11-تارماعىنىڭ 10) جانە 11) تارماقشالارىن قوسپاعاندا, العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ۇلتتىق ەكونوميكا
ءمينيسترىنىڭ مىندەتىن اتقارۋشى ا.ءارىپحانوۆ
«كەلىسىلگەن»
قازاقستان رەسپۋبليكاسىنىڭ قارجى
ءمينيسترى ___________ ب. سۇلتانوۆ
2016 جىلعى 18 تامىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2016 جىلعى 12 تامىزداعى №370 بۇيرىعىنا قوسىمشا
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 16 قاڭتارداعى № 17 بۇيرىعىمەن بەكىتىلگەن
مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارى
1-تاراۋ. جالپى ەرەجەلەر
1. وسى قاعيدالار «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە مەملەكەتتىك م ۇلىكتى سەنىمگەرلىك باسقارۋعا بەرۋدىڭ, ونىڭ ىشىندە تەندەر وتكىزۋدىڭ, سەنىمگەرلىك باسقارۋشىلارمەن شارتتار جاساسۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اۆتوموبيل جولدارىن باسقارۋ جونىندەگى ۇلتتىق وپەراتور – «اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭىندا بەلگىلەنگەن وكىلەتتىكتەردى جۇزەگە اسىراتىن, جارعىلىق كاپيتالىنا مەملەكەت ءجۇز پايىز قاتىساتىن اكتسيونەرلىك قوعام;
2) بالانس ۇستاۋشى – وبەكت جەدەل باسقارۋ نەمەسە شارۋاشىلىق جۇرگىزۋ قۇقىعىندا بەكىتىلگەن مەملەكەتتىك زاڭدى تۇلعا;
3) باسقارۋ ورگانى – اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) اكتسيالارىنىڭ مەملەكەتتىك پاكەتىن (جارعىلىق كاپيتالداعى قاتىسۋ ۇلەستەرىن) يەلەنۋ جانە پايدالانۋ قۇقىعىن جانە/نەمەسە مەملەكەتتىك زاڭدى تۇلعالاردى باسقارۋدى جۇزەگە اسىراتىن ءتيىستى سالانىڭ ۋاكىلەتتى ورگانى نەمەسە جەرگىلىكتى اتقارۋشى ورگان;
4) باستاپقى باعا – قازاقستان رەسپۋبليكاسىنىڭ باعالاۋ قىزمەتى تۋرالى زاڭناماسىنا سايكەس باعالاۋشىنىڭ باعالاۋ تۋرالى ەسەبى نەگىزىندە ايقىندالاتىن, مەملەكەتتىك م ۇلىكتى سەنىمگەرلىك باسقارۋ قۇرىلتايشىسى وبەكتىنى كەيiننەن ساتىپ الۋ قۇقىعىمەن سەنiمگەرلىكپەن باسقارۋعا بەرۋ تۋرالى شەشىم قابىلداعان جاعدايدا تەندەرلىك كوميسسيا بەلگىلەيتىن وبەكتىنىڭ قۇنى;
5) جابىق تەندەر – قاتىسۋشىلاردىڭ شەكتەۋلi توبى قاتىساتىن تەندەر;
6) مەملەكەتتىك م ۇلىكتى ەسەپكە الۋ سالاسىنداعى بىرىڭعاي وپەراتور (بۇدان ءارى – بىرىڭعاي وپەراتور) – «مەملەكەتتىك م ۇلىكتى ەسەپكە الۋ سالاسىنداعى بىرىڭعاي وپەراتوردى ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 15 شىلدەدەگى № 802 قاۋلىسىنا سايكەس ايقىندالعان زاڭدى تۇلعا;
7) مەملەكەتتىك م ۇلىكتى سەنىمگەرلىك باسقارۋ قۇرىلتايشىسى (بۇدان ءارى – قۇرىلتايشى) – مەملەكەتتىك م ۇلىك جونىندەگى ۋاكىلەتتى ورگان نەمەسە جەرگىلىكتى اتقارۋشى ورگان;
8) وبەكت – مەملەكەتتىك كاسىپورىننىڭ م ۇلىكتىك كەشەنى, باعالى قاعازدار, جارعىلىق كاپيتالداعى قاتىسۋ ۇلەستەرى, جىلجىمايتىن م ۇلىك, مەملەكەتكە تيەسىلى اقشا, سونداي-اق وزگە مەملەكەتتىك م ۇلىك;
9) وبەكتىنىڭ نارىقتىق قۇنى – مامىلە تاراپتارى باعالاۋ وبەكتىسى تۋرالى بارلىق قولجەتىمدى اقپاراتقا يە بولا وتىرىپ, ەسەپپەن جانە ماجبۇرلەۋسىز ارەكەت ەتكەن جاعدايدا, باسەكەلەستىك جاعدايىنداعى مامىلە نەگىزىندە ول بويىنشا سەنىمگەرلىك باسقارۋ وبەكتىسى كەيىننەن ساتىپ الۋ قۇقىعىمەن يەلىكتەن شىعارىلۋى مۇمكىن بولاتىن ەسەپتىك اقشالاي سوما;
10) سەنىمگەرلىك باسقارۋشى – ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە, قۇرىلتايشىمەن سەنىمگەرلىك باسقارۋ شارتىن جاساسقان جەكە تۇلعالار جانە مەملەكەتتىك ەمەس زاڭدى تۇلعالار;
11) تەندەر – بۇل قۇرىلتايشى ءۇشىن ەڭ ۇزدىك شارت تالاپتارىن ۇسىنعان تەندەرگە قاتىسۋشىلاردىڭ بىرىمەن ونىڭ ۇسىنعان باستاپقى شارتتارىنىڭ نەگىزىندە قۇرىلتايشى شارت جاساسۋعا مىندەتتەنەتىن, ەلەكتروندىق فورماتتا ءتىزىلىمنىڭ ۆەب-پورتالىن پايدالانا وتىرىپ, وبەكتىنى سەنىمگەرلىك باسقارۋعا بەرۋ جونىندەگى ساۋدا-ساتتىق نىسانى;
12) تەندەر جەڭىمپازى – وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ كەزىندە وبەكت ءۇشىن ەڭ جوعارى باعا ۇسىنعان تەندەرگە نەمەسە جابىق تەندەرگە قاتىسۋشى نەمەسە وبەكتىنى سەنىمگەرلىك باسقارۋعا كەيىننەن ساتىپ الۋ قۇقىعىنسىز بەرۋ كەزىندە تەندەرلىك كوميسسيانىڭ قورىتىندىسى بويىنشا ەڭ جاقسى شارتتاردى ۇسىنعان تەندەرگە نەمەسە جابىق تەندەرگە قاتىسۋشى;
13) تەندەرگە قاتىسۋشى – تەندەرگە نەمەسە جابىق تەندەرگە قاتىسۋ ءۇشىن وسى قاعيدالاردا بەلگىلەنگەن تارتىپتە تىركەلگەن جەكە نەمەسە مەملەكەتتىك ەمەس زاڭدى تۇلعا;
14) تەندەرلىك كوميسسيا – وبەكتىنى سەنىمگەرلىك باسقارۋعا بەرۋ جونىندەگى تەندەردى نەمەسە جابىق تەندەردى ۇيىمداستىرۋ جانە وتكىزۋ ءۇشىن قۇرىلتايشى قۇرعان كوميسسيا;
15) تەندەرلىك ۇسىنىس – وبەكتىنى سەنىمگەرلىك باسقارۋعا كەيىننەن ساتىپ الۋ قۇقىعىنسىز بەرۋ كەزىندە وبەكتىنى سەنىمگەرلىك باسقارۋدىڭ ۇسىنىلىپ وتىرعان شارتتارىن سيپاتتاۋدى قامتيتىن, قۇرىلتايشىنىڭ تالاپتارىنا سايكەس قۇرىلعان قاتىسۋشىنىڭ ۇسىنىسى;
16) ءتىزىلىمنىڭ ۆەب-پورتالى – ينتەرنەت جەلىسىندە www.gosreestr.kz مەكەنجايى بويىنشا ورنالاستىرىلعان, سەنىمگەرلىك باسقارۋ شارتتارى بويىنشا ەلەكتروندىق دەرەكتەر بازاسىنا بىرىڭعاي قولجەتىمدىلىك نۇكتەسىن ۇسىناتىن ينتەرنەت-رەسۋرس;
17) شارت – قۇرىلتايشى مەن سەنىمگەرلىك باسقارۋشىنىڭ اراسىندا جاسالعان وبەكتىنى سەنىمگەرلىك باسقارۋ شارتى;
18) ەلەكتروندىق قۇجات – اقپارات ەلەكتروندىق-تسيفرلىق نىساندا بەرىلگەن جانە ەلەكتروندىق تسيفرلىق قولتاڭبا ارقىلى كۋالاندىرىلعان قۇجات;
19) ەلەكتروندىق تسيفرلىق قولتاڭبا (بۇدان ءارى – ەتسق) – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق سيمۆولدار جيناعى.
2-تاراۋ. وبەكتىنى سەنىمگەرلىك باسقارۋعا بەرۋ ءتارتىبى
3. وبەكتىنى كەيىننەن ساتىپ الۋ قۇقىعىمەن نەمەسە قۇقىعىنسىز سەنىمگەرلىك باسقارۋعا بەرۋ تۋرالى شەشىمدى قۇرىلتايشى قابىلدايدى, ول تۋرالى مالىمەتتى قۇرىلتايشى سەنىمگەرلىك باسقارۋ شارتتارى بويىنشا ەلەكتروندىق دەرەكتەر بازاسىنا شەشىم قابىلدانعان كۇننەن باستاپ ون جۇمىس كۇنى ىشىندە ەنگىزەدى.
4. وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ تەندەرلىك نەگىزدە جۇزەگە اسىرىلادى.
5. وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرۋ مىنالاردى:
1) وبەكتىنى زاڭدى تۇلعالاردىڭ جارعىلىق كاپيتالىن تولەۋگە بەرۋگە دەيىنگى قازاقستان رەسپۋبليكاسى ۇكىمەتىنىڭ نەمەسە جەرگىلىكتى اتقارۋشى ورگاننىڭ زاڭدى تۇلعانىڭ جارعىلىق كاپيتالىن تولەۋگە بەرۋ تۋرالى شەشىمى بولعان كەزدە;
2) جاڭادان سالىنعان گاز قۇبىرلارى مەن ەلەكترمەن جانە ەنەرگيامەن جابدىقتاۋ وبەكتىلەرىن ءبىر جىلدان اسپايتىن مەرزىمگە بەرۋ;
3) ستراتەگيالىق وبەكتىلەردى, سونداي-اق مەنشىگىندە ستراتەگيالىق وبەكتىلەرى بار زاڭدى تۇلعالارداعى اكتسيالار پاكەتتەرىن (قاتىسۋ ۇلەستەرىن) بەرۋ;
4) جىلجىمايتىن م ۇلىك وبەكتىلەرىن جانە حالىقارالىق كەلىسىمدەردى ىسكە اسىرۋ ءۇشىن قۇرىلعان اكتسيونەرلىك قوعامداردىڭ اكتسيالارىن بەرۋ;
5) مەملەكەتتىك اقپاراتتىق جۇيەلەردى بەرۋ;
6) قىلمىستىق-اتقارۋ جۇيەسى مەملەكەتتىك مەكەمەلەرى مەن مەملەكەتتىك كاسىپورىندارىنىڭ بالانسىندا بەكىتىلگەن وبەكتىلەردى بەرۋ;
7) زاڭدى تۇلعالاردىڭ داۋىس بەرەتىن اكتسيالارىن (جارعىلىق كاپيتالعا قاتىسۋ ۇلەستەرىن) دەربەس ءبىلىم بەرۋ ۇيىمدارىنا, قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا جانە ونىڭ جۇيەسىنە كىرەتىن زاڭدى تۇلعالارعا بەرۋ;
8) جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, اقىلى قوزعالىستى ۇيىمداستىرۋ ءۇشىن ولاردى اۆتوموبيل جولدارىن باسقارۋ جونىندەگى ۇلتتىق وپەراتورعا بەرۋ;
9) اۆتوموبيل جولدارىن باسقارۋ جونىندەگى ۇلتتىق وپەراتور اكتسيالارىنىڭ مەملەكەتتiك پاكەتiن بەرۋ;
10) وپەرا جانە بالەت ونەرىن دامىتۋ ءۇشىن قۇرىلعان, جالپى الاڭى كەمىندە 60 000 شارشى مەتر عيماراتتاردى, قۇرىلىستاردى, جابدىقتاردى جانە وزگە م ۇلىكتى قامتيتىن كەشەندەر تۇرىندەگى تەاترلاردى بەرۋ جاعدايلارىن قوسپاعاندا, تەندەرلىك نەگىزدە جۇزەگە اسىرىلادى.
6. وسى قاعيدالاردىڭ 5-تارماعىنىڭ 2), 3), 4), 5), 6), 7), 8), 9), 10) تارماقشالارىندا كوزدەلگەن جاعدايلاردا, وبەكتىنى تەندەر وتكىزبەستەن سەنىمگەرلىك باسقارۋعا بەرۋ وبەكتىنى سەنىمگەرلىك باسقارۋعا بەرۋ ءوتىنىشى (بۇدان ءارى – ءوتىنىش) نەگىزىندە جۇزەگە اسىرىلادى.
ءوتىنىش مىناداي قۇجاتتاردى:
1) زاڭدى تۇلعالار ءۇشىن:
سالىستىرۋ ءۇشىن تۇپنۇسقاسىن ۇسىنا وتىرىپ, كۋالىكتىڭ كوشىرمەسىن نەمەسە كورسەتىلگەن قۇجاتتىڭ نوتاريات كۋالاندىرعان كوشىرمەسىن نە زاڭدى تۇلعانى مەملەكەتتىك تىركەۋ (قايتا تىركەۋ) تۋرالى انىقتامانى;
سالىستىرۋ ءۇشىن تۇپنۇسقاسىن ۇسىنا وتىرىپ, قۇرىلتاي قۇجاتتارىنىڭ (قۇرىلتاي شارتى جانە جارعى) كوشىرمەلەرىن نە كورسەتىلگەن قۇجاتتاردىڭ نوتاريات كۋالاندىرعان كوشىرمەلەرىن;
ءوتىنىش بەرگەن كۇنگە دەيىن كەمىندە ءبىر اي بۇرىن بەرىلگەن سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى مەن الەۋمەتتىك اۋدارىمدار بويىنشا بەرەشەكتىڭ جوق ەكەنى (بار ەكەنى) تۋرالى مالىمەتتەردى (تولەۋ مەرزىمى سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى) قازاقستان رەسپۋبليكاسىنىڭ كودەكسىنىڭ 6-تاراۋىنا سايكەس كەيىنگە قالدىرىلعان جاعدايلاردى قوسپاعاندا);
2) جەكە تۇلعالار ءۇشىن – سالىستىرۋ ءۇشىن تۇپنۇسقاسىن ۇسىنا وتىرىپ, جەكە تۇلعانىڭ جەكە باسىن كۋالاندىراتىن قۇجاتتىڭ كوشىرمەلەرىن نە كورسەتىلگەن قۇجاتتاردىڭ نوتاريات كۋالاندىرعان كوشىرمەلەرىن;
3) دارا كاسىپكەر ءۇشىن – سالىستىرۋ ءۇشىن تۇپنۇسقاسىن ۇسىنا وتىرىپ, دارا كاسىپكەردى مەملەكەتتىك تىركەۋ تۋرالى كۋالىكتىڭ, جەكە تۇلعانىڭ جەكە باسىن كۋالاندىراتىن قۇجاتتىڭ كوشىرمەلەرىن نە كورسەتىلگەن قۇجاتتاردىڭ نوتاريات كۋالاندىرعان كوشىرمەلەرىن, ءوتىنىش بەرگەن كۇنگە دەيىن كەمىندە ءبىر اي بۇرىن بەرىلگەن سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى مەن الەۋمەتتىك اۋدارىمدار بويىنشا بەرەشەكتىڭ جوق ەكەنى (بار ەكەنى) تۋرالى مالىمەتتەردى (تولەۋ مەرزىمى سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى) قازاقستان رەسپۋبليكاسىنىڭ كودەكسىنىڭ 6-تاراۋىنا سايكەس كەيىنگە قالدىرىلعان جاعدايلاردى قوسپاعاندا) ۇسىنا وتىرىپ, وبەكتىنىڭ اتاۋىن, ونىڭ بالانس ۇستاۋشىسىن, سونداي-اق وبەكتىگە قاجەتتىلىك نەگىزدەمەسىن كورسەتۋمەن ەركىن نىساندا رەسىمدەلەدى.
7. وبەكتىنى تەندەر وتكىزبەستەن سەنىمگەرلىك باسقارۋعا بەرۋ كەزىندە ءوتىنىشتى قۇرىلتايشى ون بەس جۇمىس كۇنى ىشىندە قارايدى.
قۇرىلتايشى ءۇش جۇمىس كۇنى ىشىندە وبەكتىنى سەنىمگەرلىك باسقارۋعا بەرۋگە الىنعان ءوتىنىشتى بالانس ۇستاۋشىعا نەمەسە باسقارۋ ورگانىنا (اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) اكتسيالارىنىڭ مەملەكەتتىك پاكەتىن (جارعىلىق كاپيتالداعى قاتىسۋ ۇلەستەرىن) بەرۋ كەزىندە) كەلىسۋگە جىبەرەدى. وتىنىشكە قوسا بەرىلەتىن قۇجاتتار بالانس ۇستاۋشىعا جىبەرىلمەيدى.
بالانس ۇستاۋشى نەمەسە باسقارۋ ورگانى (اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) اكتسيالارىنىڭ مەملەكەتتىك پاكەتىن (جارعىلىق كاپيتالداعى قاتىسۋ ۇلەستەرىن) بەرۋ كەزىندە) جەتى جۇمىس كۇنى ىشىندە قۇرىلتايشىعا وبەكتىنى سەنىمگەرلىك باسقارۋعا بەرۋ جونىندەگى شارتتاردى بەلگىلەۋ تۋرالى ۇسىنىسپەن جازباشا تۇردە كەلىسىمدى نەمەسە وبەكتىنى سەنىمگەرلىك باسقارۋعا بەرۋدەن باس تارتۋدى ۇسىنادى.
قۇرىلتايشى وبەكتىنى تەندەر وتكىزبەستەن سەنىمگەرلىك باسقارۋعا بەرۋ نەمەسە بەرمەۋ تۋرالى ءوتىنىشتى قاراۋ ناتيجەلەرى تۋرالى ءوتىنىش بەرۋشىنى حاتپەن حاباردار ەتەدى
8. وبەكتىنى تەندەر وتكىزبەستەن سەنىمگەرلىك باسقارۋعا بەرۋ كەزىندە قۇرىلتايشىنىڭ باسشىسى نە ونىڭ مىندەتىن اتقارۋشى ادام ءوتىنىش بەرىلگەن كۇننەن باستاپ جيىرما جۇمىس كۇنىنەن كەشىكتىرمەي سەنىمگەرلىك باسقارۋشىمەن شارت جاساسادى.
3-تاراۋ. وبەكتىنى سەنىمگەرلىك باسقارۋعا بەرۋگە دايىنداۋ ءتارتىبى
9. باسقارۋ ورگانى قۇرىلتايشىعا اكتسيالارى (ۇلەستەرى) نە م ۇلىكتىك كەشەنى وبەكت بولىپ تابىلاتىن زاڭدى تۇلعانىڭ قۇرىلتاي قۇجاتتارىن, سوڭعى ءۇش قارجى جىلىنداعى قارجى-شارۋاشىلىق قىزمەتى تۋرالى اقپاراتتى, وبەكتىنى كەيىننەن ساتىپ الۋ قۇقىعىمەن نەمەسە قۇقىعىنسىز سەنىمگەرلىك باسقارۋعا بەرۋ جونىندەگى شارتتاردى بەلگىلەۋ تۋرالى ۇسىنىستاردى جانە تەندەرگە قاتىسۋشىلارعا قويىلاتىن تالاپتاردى بەرەدى.
وزگە وبەكتىلەر بويىنشا باسقارۋ ورگانى قۇرىلتايشىعا وبەكتىنىڭ سيپاتتاماسىن, وبەكتىنىڭ بالانستىق قۇنى تۋرالى مالىمەتتەردى جانە وبەكتىنى كەيىننەن ساتىپ الۋ قۇقىعىمەن نەمەسە قۇقىعىنسىز سەنىمگەرلىك باسقارۋعا بەرۋ جونىندەگى شارتتاردى بەلگىلەۋ تۋرالى ۇسىنىستاردى جانە وبەكت قىزمەتىنىڭ ەرەكشەلىگىن ەسكەرە وتىرىپ تەندەرگە قاتىسۋشىلارعا قويىلاتىن تالاپتاردى بەرەدى.
10. مەملەكەتتىك زاڭدى تۇلعالاردىڭ, سونداي-اق اكتسيالارى مەن جارعىلىق كاپيتالدارىنداعى مەملەكەتتىڭ قاتىسۋ ۇلەستەرى سەنىمگەرلىك باسقارۋعا بەرۋ وبەكتىسى بولىپ تابىلاتىن مەملەكەتتىك ەمەس زاڭدى تۇلعالاردىڭ لاۋازىمدى ادامدارى قۇرىلتايشىنىڭ جازباشا سۇراۋ سالۋى بويىنشا وبەكتىنى سەنىمگەرلىك باسقارۋعا بەرۋگە دايىنداۋ ءۇشىن قاجەتتى مالىمەتتەردى جەتى جۇمىس كۇنى ىشىندە بەرەدى.
4-تاراۋ. تەندەر وتكىزۋگە دايىندىق وتكىزۋ ءتارتىبى
11. قۇرىلتايشى سەنىمگەرلىك باسقارۋدى تاعايىنداۋ ماقساتىندا:
1) تەندەر ۇيىمداستىرادى (تەندەرلىك كوميسسيانىڭ قۇرامى مەن جۇمىس رەگلامەنتىن بەكىتەدى, حابارلامالاردىڭ جاريالانۋىن قامتاماسىز ەتەدى);
2) «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ زاڭىنىڭ 7-بابىنا سايكەس وبەكتىنى باعالاۋدى جۇرگىزۋگە شارتتار جاساسادى;
3) تەندەردىڭ نەمەسە جابىق تەندەردىڭ وتكىزىلۋ بارىسىن باقىلاۋدى جۇزەگە اسىرادى;
4) سەنىمگەرلىك باسقارۋشىمەن شارت جاساسادى;
5) وبەكتىنى سەنىمگەرلىك باسقارۋعا بەرۋگە بايلانىستى وزگە دە فۋنكتسيالاردى جۇزەگە اسىرادى.
12. قۇرىلتايشى تەندەرلەر نەمەسە جابىق تەندەرلەر ۇيىمداستىرۋ جانە وتكىزۋ ءۇشىن تەندەرلىك كوميسسيا قۇرادى.
تەندەرلىك كوميسسيانىڭ قۇرامىنا قۇرىلتايشىنىڭ, باسقارۋ ورگانىنىڭ جانە وزگە مەملەكەتتىك ورگانداردىڭ نەمەسە ولاردىڭ اۋماقتىق بولىمشەلەرىنىڭ (كەلىسىم بويىنشا), قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسىنىڭ جانە وڭىرلىك كاسىپكەرلەر پالاتالارىنىڭ (جەرگىلىكتى اتقارۋشى ورگاندار جانىنداعى كوميسسيالاردا) جانە وزگە ۇيىمداردىڭ وكىلدەرى ەنگىزىلەدى.
تەندەرلىك كوميسسيانىڭ توراعاسى مەن حاتشى قۇرىلتايشىنىڭ وكىلدەرى بولىپ تابىلادى. تەندەرلىك كوميسسيا مۇشەلەرىنىڭ سانى كەمىندە بەس ادامدى قۇرايدى. حاتشى تەندەرلىك كوميسسيانىڭ مۇشەسى بولىپ تابىلمايدى.
13. تەندەرلىك كوميسسيا مىناداي فۋنكتسيالاردى جۇزەگە اسىرادى:
1) تەندەردىڭ نەمەسە جابىق تەندەردىڭ شارتتارىن جانە تەندەرگە نەمەسە جابىق تەندەرگە قاتىسۋشىعا (سەنىمگەرلىك باسقارۋشىعا) قويىلاتىن تالاپتاردى ايقىندايدى;
2) كەپىلدىك جارنانىڭ مولشەرىن بەكىتەدى;
3) وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ كەزىندە وبەكتىنىڭ باستاپقى باعاسىن بەلگىلەيدى;
4) م ۇلىكتى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرۋ بويىنشا تەندەر نەمەسە جابىق تەندەر وتكىزەدى;
5) وبەكت كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرىلگەن جاعدايدا تەندەر نەمەسە جابىق تەندەر جەڭىمپازىن جاريالايدى.
5-تاراۋ. تەندەرلىك قۇجاتتاما
14. وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرۋ كەزىندە قۇرىلتايشى تەندەر وتكىزۋ تۋرالى حابارلامانى ءتىزىلىمنىڭ ۆەب-پورتالىندا جاريالايدى, ال وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ كەزىندە تەندەر وتكىزگەنگە دەيىن كەمىندە ون بەس كۇنتىزبەلىك كۇن بۇرىن ءتىزىلىمنىڭ ۆەب-پورتالىندا جانە «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ زاڭىنىڭ 4-7-تاراۋلارىنا سايكەس قۇرىلتايشى كونكۋرس تاسىلىمەن ايقىنداعان مەرزىمدى ءباسپاسوز باسىلىمدارىندا قازاق جانە ورىس تىلدەرىندە جاريالايدى جانە مىناداي مالىمەتتەردى:
1) تەندەردىڭ شارتتارى مەن تەندەر جەڭىمپازىن ايقىنداۋ ولشەمشارتتارىن;
2) وبەكتىنىڭ قىسقاشا سيپاتتاماسىن;
3) تەندەردى وتكىزۋ كۇنىن, ۋاقىتىن;
4) وسى قاعيدالارعا 1-قوسىمشاعا سايكەس نىسان بويىنشا مەملەكەتتىك م ۇلىكتى سەنىمگەرلىك باسقارۋعا بەرۋ بويىنشا تەندەرگە قاتىسۋعا ءوتىنىمدى (بۇدان ءارى – ءوتىنىم) بەرۋ ءتارتىبىن, مەرزىمىن;
5) كەپىلدىك جارنانىڭ مولشەرى مەن ونى ەنگىزۋ ءۇشىن بانك دەرەكتەمەلەرىن (كەپىلدىك جارنانىڭ مولشەرى حابارلاما جاريالانعاننان كەيىن وزگەرتىلمەيدى);
6) وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ كەزىندە وبەكتىنىڭ باستاپقى باعاسىن;
7) تەندەر قاتىسۋشىسىنا (سەنىمگەرلىك باسقارۋشىعا) قويىلاتىن تالاپتاردى قامتيدى.
15. تەندەرلىك كوميسسيا تەندەردىڭ شارتتارىن وزگەرتكەن جاعدايدا, بارلىق وزگەرىستەر تۋرالى حابارلاما وسى قاعيدالاردىڭ 14-تارماعىندا بەلگىلەنگەن تارتىپپەن جانە مەرزىمدە جاريالانادى.
تەندەردىڭ شارتتارى وزگەرگەنى تۋرالى حابارلاما جاريالانعانعا دەيىن ءوتىنىم بەرگەن جانە وسىعان بايلانىستى تەندەرگە قاتىسۋدان باس تارتقان ادامدارعا بىرىڭعاي وپەراتور وسى قاتىسۋشىنىڭ دەرەكتەمەلەرىن كورسەتە وتىرىپ, تەندەرگە قاتىسۋشى بەرگەن كەپىلدىك جارنانى قايتارۋ تۋرالى ءوتىنىش بەرىلگەن كۇننەن باستاپ ءۇش جۇمىس كۇنىنەن كەشىكتىرمەي كەپىلدىك جارنالاردى قايتارادى.
16. اكتسيالارى (قاتىسۋ ۇلەستەرى) نەمەسە م ۇلىكتىك كەشەنى سەنىمگەرلىك باسقارۋ وبەكتىسى بولىپ تابىلاتىن ءاربىر زاڭدى تۇلعا بويىنشا حابارلاما جاريالانعانعا دەيىن قۇرىلتايشى مىناداي قۇجاتتاردىڭ:
1) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىك نەمەسە انىقتاما;
2) جارعى;
3) جاريالانعان اكتسيالار شىعارىلىمىن مەملەكەتتىك تىركەۋ تۋرالى كۋالىك (اكتسيونەرلىك قوعامدار ءۇشىن);
4) ەسەپتى كەزەڭنىڭ الدىنداعى ءۇش جىلداعى قوسىمشالارىمەن بۋحگالتەرلىك بالانستار كوشىرمەلەرىنەن تۇراتىن وبەكت تۋرالى اقپارات دايىندايدى.
حابارلاما جاريالانعاننان كەيىن بىرىڭعاي وپەراتور بارلىق تىلەك بىلدىرگەندەرگە ءتىزىلىمنىڭ ۆەب-پورتالىندا ورنالاستىرىلعان وبەكت تۋرالى اقپاراتقا قولجەتىمدىلىكتى قامتاماسىز ەتەدى, ال بالانس ۇستاۋشى وبەكتىنى كورۋگە ەركىن قاتىناۋىن قامتاماسىز ەتەدى.
17. بىرىڭعاي وپەراتور ءتىزىلىم ۆەب-پورتالىنىڭ جۇمىس ىستەۋىن قامتاماسىز ەتەدى, سونداي-اق قاتىسۋشىلاردىڭ كەپىلدىك جارنالارىن قابىلدايدى, قۇرىلتايشىنىڭ شوتىنا تەندەردە نەمەسە جابىق تەندەردە جەڭگەن قاتىسۋشىنىڭ كەپىلدىك جارناسىن اۋدارادى جانە تەندەردىڭ باسقا قاتىسۋشىلارىنا كەپىلدىك جارنالاردى قايتارادى.
18. تەندەرگە نەمەسە جابىق تەندەرگە قاتىسۋشىلار تەندەر نەمەسە جابىق تەندەر وتكىزۋ تۋرالى حابارلامادا كورسەتىلگەن مولشەردە, مەرزىمدە جانە تارتىپپەن كەپىلدىك جارنانى ەنگىزەدى. كەپىلدىك جارنانى قاتىسۋشىنىڭ ءوزى نە ونىڭ اتىنان كەز كەلگەن جەكە نەمەسە زاڭدى تۇلعا ەنگىزەدى. ءبىر كەپىلدىك جارنا ءبىر وبەكتىنىڭ تەندەرىنە قاتىسۋعا مۇمكىندىك بەرەدى. بىرىڭعاي وپەراتور كەپىلدىك جارنانى الۋشى بولىپ تابىلادى.
19. تەندەرگە نەمەسە جابىق تەندەرگە قاتىسۋ ءۇشىن كەپىلدىك جارنا ءاربىر وبەكت ءۇشىن ونىڭ باستاپقى باعاسىنىڭ (وبەكتىنى ساتىپ الۋ قۇقىعىمەن بەرگەن جاعدايدا) نەمەسە بالانستىق قۇنىنىڭ (وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرگەن جاعدايدا) ءۇش پايىزى مولشەرىندە جەكە بەلگىلەنەدى.
20. كەپىلدىك جارنا قاتىسۋشىنىڭ مىناداي:
1) تەندەردىڭ نەمەسە جابىق تەندەردىڭ ناتيجەلەرى تۋرالى حاتتاماعا قول قويۋ;
2) قۇرىلتايشىمەن شارت جاساسۋ مىندەتتەمەلەرىن قامتاماسىز ەتۋىنىڭ كەپىلى رەتىندە ەنگىزىلەدى.
21. وسى قاعيدالاردىڭ 15-تارماعىنىڭ ەكىنشى بولىگىندە كوزدەلگەن جاعدايلاردى قوسپاعاندا, قاتىسۋشى تەندەردىڭ نەمەسە جابىق تەندەردىڭ وتكىزىلۋىنە كەمىندە ءۇش جۇمىس كۇنى قالعانعا دەيىن وعان قاتىسۋدان باس تارتقان جاعدايدا بىرىڭعاي وپەراتور كەپىلدىك جارنانى قايتارمايدى.
قۇرىلتايشى كەپىلدىك جارنانى مىناداي جاعدايلاردا:
جەڭىمپاز تەندەر نەمەسە جابىق تەندەر ناتيجەلەرى تۋرالى حاتتاماعا نە شارتقا قول قويماعان;
وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرگەن جاعدايدا جەڭىمپازعا;
سەنىمگەرلىك باسقارۋشى وبەكتىنى ساتىپ الۋ قۇقىعىنان باس تارتقان جاعدايدا قايتارمايدى.
قالعان بارلىق جاعدايلاردا بىرىڭعاي وپەراتور وسى قاتىسۋشىنىڭ دەرەكتەمەلەرىن كورسەتە وتىرىپ, ءتىزىلىمنىڭ ۆەب-پورتالىندا تەندەرگە نەمەسە جابىق تەندەرگە قاتىسۋشى ەتسق-نى پايدالانا وتىرىپ قول قويعان, كەپىلدىك جارنانى قايتارۋ تۋرالى ءوتىنىشتى بەرگەن كۇننەن باستاپ ءۇش جۇمىس كۇنىنەن كەشىكتىرىلمەيتىن مەرزىمدە كەپىلدىك جارنالاردى قايتارادى.
22. بىرىڭعاي وپەراتور ءتىزىلىمنىڭ ۆەب-پورتالىندا ەتسق-نى پايدالانا وتىرىپ قۇرىلتايشى قول قويعان كەپىلدىك جارنانى اۋدارۋعا ءوتىنىش بەرىلگەن كۇننەن باستاپ ءۇش جۇمىس كۇنىنەن كەشىكتىرىلمەيتىن مەرزىمدە تەندەردە نەمەسە جابىق تەندەردە جەڭىسكە جەتكەن قاتىسۋشىنىڭ كەپىلدىك جارناسىن قۇرىلتايشىنىڭ شوتىنا اۋدارادى.
23. تەندەر نەمەسە جابىق تەندەر جەڭىمپازىنىڭ كەپىلدىك جارناسىن قۇرىلتايشى شارت جاسالعان كۇننەن باستاپ بەس جۇمىس كۇنى ىشىندە:
1) بيۋدجەتكە اۋدارادى جانە اتالعان تولەم شارت بويىنشا (وبەكتىنى كەيىننەن ساتىپ الۋ قۇقىعىمەن بەرگەن جاعدايدا) ءتيىستى اۆانستىق تولەم شوتىنا ەسەپتەلەدى;
2) قاتىسۋشىعا (وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرگەن جاعدايدا) تەندەر نەمەسە جابىق تەندەر قاتىسۋشىسىنىڭ ءوتىنىشى بولعان كەزدە قايتارادى.
6-تاراۋ. تەندەردى وتكىزۋ ءتارتىبى
24. تەندەرگە قاتىسۋشىلاردى تىركەۋ حابارلاما جاريالانعان كۇننەن باستاپ جۇرگىزىلەدى جانە تەندەر باستالعانعا دەيىن ەكى ساعات بۇرىن اياقتالادى.
25. تەندەرگە نەمەسە جابىق تەندەرگە قاتىسۋ ءۇشىن قاتىسۋشى مىنالاردى:
1) جەكە تۇلعالار مەن جەكە كاسىپكەرلەر ءۇشىن: جەكە سايكەستەندىرۋ نومىرىن (بۇدان ءارى – جسن), تەگىن, اتىن جانە اكەسىنىڭ اتىن (بولعان جاعدايدا);
2) زاڭدى تۇلعالار ءۇشىن: بيزنەس سايكەستەندىرۋ نومىرىن (بۇدان ءارى – بسن), تولىق اتاۋىن, ءبىرىنشى باسشىنىڭ تەگىن, اتىن جانە اكەسىنىڭ اتىن (بولعان جاعدايدا);
3) كەپىلدىك جارنانى قايتارۋ ءۇشىن ەكىنشى دەڭگەيدەگى بانكتەگى ەسەپ ايىرىسۋ شوتىنىڭ دەرەكتەمەلەرىن;
4) بايلانىس دەرەكتەرىن (پوشتالىق مەكەنجايىن, تەلەفونىن, ە-mail) كورسەتە وتىرىپ, ءتىزىلىمنىڭ ۆەب-پورتالىندا الدىن الا تىركەلۋى قاجەت.
جوعارىدا كورسەتىلگەن دەرەكتەر وزگەرگەن كەزدە قاتىسۋشى ءبىر جۇمىس كۇنى ىشىندە ءتىزىلىمنىڭ ۆەب-پورتالىنا ەنگىزىلگەن دەرەكتەردى وزگەرتەدى.
26. تەندەرگە نەمەسە جابىق تەندەرگە قاتىسۋشى رەتىندە تىركەلۋ ءۇشىن ءتىزىلىمنىڭ ۆەب-پورتالىندا قاتىسۋشىنىڭ ەتسق قول قويىلعان ءوتىنىمدى تىركەۋ قاجەت.
27. وتىنىمگە:
1) تەندەرلىك ۇسىنىس (وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرگەن كەزدە);
2) ءتىزىلىمنىڭ ۆەب-پاراعىندا ارنايى بولىنگەن ەلەكتروندىق كونۆەرتكە سالىنعان تەندەرگە قاتىسۋشى قول قويعان باعا ۇسىنىسى (وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرگەن كەزدە);
3) قۇجاتتاردىڭ «PDF (Portable Document Format)» فورماتىندا سكانەرلەنگەن) ەلەكتروندىق كوشىرمەلەرى:
تەندەر جاريالانعان كۇننەن كەيىن بەرىلگەن انىقتامانى بەرگەن كۇننىڭ الدىنداعى ءۇش ايدان استام سوزىلاتىن تەندەرگە قاتىسۋشى مىندەتتەمەلەرىنىڭ بارلىق تۇرلەرى بويىنشا بانك (بانك فيليالى) الدىندا مەرزىمى وتكەن بەرەشەكتىڭ جوق ەكەندىگى تۋرالى بانكتىڭ (بانك فيليالىنىڭ) قول قويىلعان جانە ءمور باسىلعان (ەتسق) انىقتاماسى. ەگەر الەۋەتتى قاتىسۋشى ەكىنشى دەڭگەيدەگى بىرنەشە بانكتىڭ نەمەسە فيليالدارىنىڭ, سونداي-اق شەتەل بانكىنىڭ كليەنتى بولىپ تابىلعان جاعدايدا, وسىنداي بانكتەردىڭ ارقايسىسىنان انىقتاما ۇسىنىلادى;
«اۋديتورلىق قىزمەت تۋرالى» قازاقستان رەسپۋبليكاسىنىڭ زاڭىنىڭ 5-بابىمەن مىندەتتى اۋديت جۇرگىزۋ بەلگىلەنگەن زاڭدى تۇلعالاردىڭ سوڭعى قارجى جىلىنداعى اۋديتورلىق ەسەبى;
زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىك نە انىقتاما;
جارعى. شەتەلدىك زاڭدى تۇلعالار شەتەل مەملەكەتىنىڭ كونسۋلدىق مەكەمە زاڭداستىرعان قۇرىلتاي قۇجاتتارىن, مەملەكەتتىك جانە ورىس تىلدەرىندە نوتاريات كۋالاندىرعان اۋدارماسىمەن, سونداي-اق گااگا قالاسىندا 1961 جىلعى 5 قازاندا جاسالعان شەتەلدىك رەسمي قۇجاتتاردى زاڭداستىرۋدى تالاپ ەتۋدىڭ كۇشىن جوياتىن كونۆەنتسياعا سايكەس اپوستيل ءمورتاڭباسى قويىلعان قۇجاتتاردى ۇسىنادى;
تەندەر جاريالانعان كۇننەن كەيىن بەرىلگەن سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى مەن الەۋمەتتىك اۋدارىمدار بويىنشا بەرەشەگىنىڭ (تولەۋ مەرزىمى سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى) قازاقستان رەسپۋبليكاسىنىڭ كودەكسىنىڭ 6-تاراۋىنا سايكەس كەيىنگە قالدىرىلعان جاعدايلاردى قوسپاعاندا) جوق (بار) ەكەندىگى تۋرالى مالىمەتتەر;
حابارلامادا كورسەتىلگەن قاتىسۋشىعا (سەنىمگەرلىك باسقارۋشىعا) قويىلاتىن تالاپتارعا سايكەستىگىن راستايتىن قۇجاتتار كوشىرمەلەرى قوسا بەرىلەدى.
28. ءوتىنىم تىركەلگەننەن كەيىن ءتىزىلىمنىڭ ۆەب-پورتالى ءۇش مينۋت ىشىندە سەنىمگەرلىك باسقارۋ شارتتارى بويىنشا ەلەكتروندىق دەرەكتەر بازاسىندا كەپىلدىك جارنانىڭ ءتۇسۋى تۋرالى مالىمەتتەردىڭ بولۋىن اۆتوماتتى تۇردە تەكسەرەدى.
بىرىڭعاي وپەراتوردىڭ شوتىنا تەندەر وتكىزۋ تۋرالى حابارلامادا كورسەتىلگەن كەپىلدىك جارنانىڭ تەندەر باستالعانعا دەيىن ەكى ساعات بۇرىن تۇسپەۋى ءتىزىلىم ۆەب-پورتالىنىڭ وتىنىمنەن باس تارتۋى ءۇشىن نەگىز بولىپ تابىلادى.
سەنىمگەرلىك باسقارۋ شارتتارى بويىنشا ەلەكتروندىق دەرەكتەر بازاسىندا بىرىڭعاي وپەراتوردىڭ شوتىنا كەپىلدىك جارنانىڭ ءتۇسۋى تۋرالى مالىمەتتەر بولعان جاعدايدا, ءتىزىلىمنىڭ ۆەب-پورتالى قاتىسۋشىنىڭ ءوتىنىمىن قابىلداۋدى جۇزەگە اسىرادى.
ءتىزىلىمنىڭ ۆەب-پورتالى اۆتوماتتى تۇردە تەكسەرۋ ناتيجەلەرى بويىنشا ءتىزىلىمنىڭ ۆەب-پورتالىندا كورسەتىلگەن قاتىسۋشىنىڭ ەلەكتروندىق مەكەنجايىنا ءوتىنىمدى قابىلداۋ نە وتىنىمنەن باس تارتۋ سەبەپتەرى تۋرالى ەلەكتروندىق حابارلاما جىبەرەدى.
29. تەندەر نەمەسە جابىق تەندەر دەمالىس جانە «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسى زاڭىنىڭ 5-بابىندا كوزدەلگەن مەرەكە كۇندەرىن قوسپاعاندا, سەيسەنبى – جۇما ارالىعىندا ءتىزىلىمنىڭ ۆەب-پورتالىندا وتكىزىلەدى. تەندەر استانا قالاسىنىڭ ۋاقىتى بويىنشا ساعات 10:00-دەن باستاپ ساعات 13:00-گە دەيىنگى كەزەڭدە وتكىزىلەدى.
30. قازاقستان رەسپۋبليكاسىنىڭ زاڭدارىنا نەمەسە قۇرىلتاي قۇجاتتارىنا سايكەس جۇزەگە اسىرىلۋى تەندەردىڭ نەمەسە جابىق تەندەردىڭ شارتى بولىپ تابىلاتىن قىزمەت تۇرلەرىمەن اينالىسۋعا مۇمكىندىگى جوق تۇلعا تەندەرگە نەمەسە جابىق تەندەرگە قاتىسۋشى بولىپ تابىلمايدى.
31. وتىنىمدەر, وتىنىمدەرگە قوسا بەرىلگەن تەندەرلىك جانە باعا ۇسىنىستارى, قاتىسۋشىلار قۇجاتتارىنىڭ ەلەكتروندىق (سكانەرلەنگەن) كوشىرمەلەرى ءتىزىلىمنىڭ ۆەب-پورتالىندا ساقتالادى جانە تەندەر وتكىزۋ تۋرالى حابارلامادا نەمەسە جابىق تەندەرگە قاتىسۋعا شاقىرۋدا كورسەتىلگەن كۇن مەن ۋاقىتقا دەيىن جۇكتەۋ جانە قاراۋ ءۇشىن قولجەتىمسىز بولادى.
32. وتىنىمدەردى اشۋ تەندەر وتكىزۋ تۋرالى حابارلامادا نەمەسە جابىق تەندەرگە قاتىسۋعا شاقىرۋدا كورسەتىلگەن تەندەردىڭ نەمەسە جابىق تەندەردىڭ كۇنى مەن ۋاقىتى كەلگەندە ءتىزىلىمنىڭ ۆەب-پورتالى ارقىلى اۆتوماتتى تۇردە جۇرگىزىلەدى.
33. قۇرىلتايشى ءتىزىلىمنىڭ ۆەب-پورتالىندا تەندەرگە نەمەسە جابىق تەندەرگە جىبەرىلگەن قاتىسۋشىلاردى ايقىنداۋ ماقساتىندا وتىنىمدەردى, سونداي-اق ولارعا قوسا بەرىلەتىن قۇجاتتاردىڭ ەلەكتروندىق (سكانەرلەنگەن) كوشىرمەلەرىن قارايدى.
قاتىسۋشى حابارلامادا كورسەتىلگەن تالاپتارعا سايكەس كەلمەگەن كەزدە نەمەسە وسى قاعيدالاردىڭ 27-تارماعىندا كورسەتىلگەن قۇجاتتاردىڭ بىرەۋى بولماعان جاعدايدا نەمەسە سوزىلمالى بانكتىك قارىز نەمەسە سالىقتىق قارىز بولعان جاعدايدا قۇرىلتايشى قاتىسۋشىنى سەبەبىن كورسەتە وتىرىپ, تەندەرگە نەمەسە جابىق تەندەرگە جىبەرمەيدى.
34. وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرگەن كەزدە تەندەرلىك كوميسسيانىڭ جەڭىمپاز تۋرالى شەشىمى قۇرىلتايشى تەندەرگە نەمەسە جابىق تەندەرگە جىبەرگەن قاتىسۋشىلاردىڭ قۇجاتتارىن قاراۋ ناتيجەلەرى بويىنشا قاتىسىپ وتىرعان كوميسسيا مۇشەلەرىنىڭ جالپى سانىنان قاراپايىم كوپشىلىگىنىڭ داۋىسىمەن قابىلدانادى. داۋىستار تەڭ بولعان كەزدە توراعانىڭ داۋىسى شەشۋشى بولىپ تابىلادى.
35. وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرگەن كەزدە ءتىزىلىمنىڭ ۆەب-پورتالى قۇرىلتايشى تەندەرگە نەمەسە جابىق تەندەرگە جىبەرگەن تەندەرگە نەمەسە جابىق تەندەرگە قاتىسۋشىلاردىڭ باعا ۇسىنىستارىن اۆتوماتتى تۇردە اشۋ جانە سالىستىرۋ ناتيجەلەرى بويىنشا جەڭىمپازدى انىقتايدى.
وبەكت ءۇشىن ەڭ جوعارى باعا ۇسىنعان قاتىسۋشى جەڭىمپاز بولىپ تانىلادى.
وبەكتىنى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ بويىنشا تەندەرگە نەمەسە جابىق تەندەرگە قاتىسۋشىلار ۇسىنعان باعالار سايكەس (تەڭ) بولعان جاعدايدا ءوتىنىمدى بۇرىن تىركەگەن قاتىسۋشى جەڭىمپاز بولىپ تانىلادى.
36. «مەملەكەتتىك م ۇلىك تۋرالى» قازاقستان رەسپۋبليكاسى زاڭنىڭ 100-بابىنىڭ 2-تارماعىنا سايكەس ساۋدا-ساتتىق جاريا بولادى. قازاقستان رەسپۋبليكاسىنىڭ ۇلتتىق قاۋiپسiزدiگىن, قورشاعان تابيعي ورتاسىن قورعاۋدى, سىرتقى ەكونوميكالىق جاعدايىن قوزعايتىن, قازاقستان رەسپۋبليكاسىنىڭ ۇكiمەتi ايقىندايتىن ەرەكشە جاعدايلاردا تەندەر جابىق بولۋى مۇمكiن.
37. جابىق تەندەرگە مۇددەلى مەملەكەتتىك ورگانداردىڭ ۇسىنىستارى نەگىزىندە تەندەرلىك كوميسسيا ايقىندايتىن قاتىسۋشىلاردىڭ شەكتەلگەن توبى قاتىسادى.
38. جابىق تەندەردىڭ بارلىق شارتتارىمەن جابىق تەندەرگە قاتىسۋعا جازباشا شاقىرۋلاردى قۇرىلتايشى جىبەرەدى. قاتىسۋعا شاقىرۋ جىبەرىلگەن ادامداردى تىركەۋ جازباشا شاقىرۋلار جىبەرىلگەن كۇننەن باستاپ ءتىزىلىمنىڭ ۆەب-پورتالىندا جۇرگىزىلەدى جانە جابىق تەندەر باستالعانعا دەيىن ەكى ساعات بۇرىن اياقتالادى.
39. جابىق تەندەر وتكىزۋگە دايىندىق ءتارتىبى, تەندەرلىك قۇجاتتامانىڭ مازمۇنى, جابىق تەندەر وتكىزۋ, ناتيجەلەرىن رەسىمدەۋ جانە سەنىمگەرلىك باسقارۋ جونىندەگى شارتتىڭ مازمۇنى اشىق تەندەرگە بەلگىلەنگەن تارتىپكە سايكەس بەلگىلەنەدى.
7-تاراۋ. تەندەر ناتيجەلەرىن رەسىمدەۋ ءتارتىبى جانە شارتتىڭ مازمۇنى
40. تەندەر نەمەسە جابىق تەندەر ناتيجەلەرى تۋرالى حاتتاما جەڭىمپاز بەن قۇرىلتايشىنىڭ تەندەر نەمەسە جابىق تەندەر شارتتارىندا جانە جەڭىمپازدىڭ ۇسىنىستارىندا شارت جاساسۋ مىندەتتەمەلەرىن تىركەيتىن قۇجات بولىپ تابىلادى.
41. تەندەرلىك كوميسسيا حاتشىسى وبەكتىنى كەيىننەن ساتىپ الۋ قۇقىعىنسىز سەنىمگەرلىك باسقارۋعا بەرۋ بويىنشا تەندەردى نەمەسە جابىق تەندەردى وتكىزۋ كۇنى ءتىزىلىمنىڭ ۆەب-پورتالىندا تەندەر ناتيجەلەرى تۋرالى حاتتامانى قالىپتاستىرادى جانە ونى بارلىق كوميسسيا مۇشەلەرى ەتسق-نى پايدالا وتىرىپ قول قويۋ راسىمىنەن كەيىن جاريالايدى.
كوميسسيا مۇشەسى تەندەر ناتيجەلەرى تۋرالى حاتتاماعا قول قويماعان جاعدايدا كوميسسيا حاتشىسى تەندەر ناتيجەلەرى تۋرالى حاتتاماعا قول قويماعان تەندەرلىك كوميسسيا مۇشەلەرىن حاتتامادا كورسەتەدى.
42. ءتىزىلىمنىڭ ۆەب-پورتالى جەڭىمپازعا تەندەر نەمەسە جابىق تەندەر ناتيجەلەرى تۋرالى حاتتاماعا قول قويۋ ءۇشىن ەلەكتروندىق پوشتا ارقىلى تەندەر ناتيجەلەرى تۋرالى حابارلاما جىبەرەدى.
وبەكتىنى سەنىمگەرلىك باسقارۋعا بەرۋ بويىنشا تەندەر ناتيجەلەرى تۋرالى حاتتامادا:
1) سەبەپتەرىن كورسەتە وتىرىپ جىبەرىلمەگەن قاتىسۋشىلار ءتىزىمى;
2) جىبەرىلگەن قاتىسۋشىلار ءتىزىمى;
3) جەڭىمپاز كورسەتىلەدى.
43. تەندەر ناتيجەلەرى تۋرالى حاتتاماعا (وبەكتىنى سەنىمگەرلىك باسقارۋعا كەيىننەن ساتىپ الۋ قۇقىعىمەن نەمەسە ساتىپ الۋ قۇقىعىنسىز بەرۋ بويىنشا) تەندەر نەمەسە جابىق تەندەر وتكىزىلگەن كۇنى قۇرىلتايشى جانە جەڭىمپاز قول قويادى.
44. تەندەر نەمەسە جابىق تەندەر مىناداي جاعدايلاردا:
1) تەندەرلىك كوميسسيا بارلىق قاتىسۋشىلاردىڭ تەندەرلىك ۇسىنىستارىن تەندەر نەمەسە جابىق تەندەر شارتتارىن قاناعاتتاندىرمايدى نەمەسە قازاقستان رەسپۋبليكاسىنىڭ زاڭناماسىنا سايكەس كەلمەيدى دەپ تانىسا;
2) ەكىنشى جانە كەيىنگى تەندەرلەردى نەمەسە جابىق تەندەرلەردى قوسپاعاندا, تىركەلگەن نە تەندەرگە نەمەسە جابىق تەندەرگە جىبەرىلگەن قاتىسۋشىلاردىڭ سانى ەكەۋدەن كەم بولسا;
3) تەندەر جەڭىمپازى تەندەردىڭ ناتيجەلەرى تۋرالى حاتتاماعا قول قويماعان جاعدايدا وتكىزىلمەدى دەپ تانىلادى.
45. ەگەر تەندەر نەمەسە جابىق تەندەر وتپەدى دەپ جاريالانسا, قۇرىلتايشى تەندەر وتكىزۋ تۋرالى حابارلامادا نەمەسە جابىق تەندەرگە قاتىسۋعا شاقىرۋدا كورسەتىلگەن تەندەر نەمەسە جابىق تەندەر كۇنى مەن ۋاقىتىنان كەيىن جيىرما ءتورت ساعات ىشىندە ەتسق-نى پايدالانا وتىرىپ, ءتىزىلىمنىڭ ۆەب-پورتالىندا قالىپتاستىرىلاتىن وتپەگەن تەندەر تۋرالى اكتىگە قول قويادى.
وسى قاعيدالاردىڭ 44-تارماعىنىڭ 2) تارماقشاسىنىڭ نەگىزىندە تەندەر نەمەسە جابىق تەندەر وتپەدى دەپ تانىلعان جاعدايدا باعا ۇسىنىستارى اشىلمايدى.
جەڭىمپاز تەندەر ناتيجەلەرى تۋرالى حاتتاماعا نە شارتقا بەلگىلەنگەن مەرزىمدە قول قويماعان جاعدايدا قۇرىلتايشى ەتسق-نى پايدالانا وتىرىپ, ءتىزىلىمنىڭ ۆەب-پورتالىندا قالىپتاستىرىلاتىن تەندەر ناتيجەلەرىن جويۋ تۋرالى اكتىگە قول قويادى.
46. تەندەردى نەمەسە جابىق تەندەردى وتكىزۋگە كەدەرگى بولاتىن ءتىزىلىم ۆەب-پورتالىنىڭ تەحنيكالىق اقاۋلىق فاكتىسى بولعان جاعدايدا, بىرىڭعاي وپەراتور بۇل تۋرالى قۇرىلتايشىعا جازباشا حابارلايدى جانە ءتىزىلىمنىڭ ۆەب-پورتالىندا اقپارات ورنالاستىرۋ جانە ءتىزىلىمنىڭ ۆەب-پورتالىندا كورسەتىلگەن قاتىسۋشىنىڭ ەلەكتروندىق مەكەنجايىنا ەلەكتروندىق حابارلاما جىبەرۋ ارقىلى اتالعان تەندەردى نەمەسە جابىق تەندەردى جالعاستىرۋ كۇنى مەن ۋاقىتى تۋرالى تەندەرگە نەمەسە جابىق تەندەرگە قاتىسقان قاتىسۋشىلاردى الدىن الا مىندەتتى تۇردە حاباردار ەتە وتىرىپ, تەندەردى تەحنيكالىق اقاۋلىقتى جويعان كۇننەن كەيىنگى كەلەسى جۇمىس كۇنىنە اۋىستىرادى.
47. تىركەلگەن قاتىسۋشىلاردىڭ بولماۋىنا بايلانىستى ەكىنشى جانە كەيىنگى تەندەرلەر نەمەسە جابىق تەندەرلەر وتكىزىلمەدى دەپ تانىلعان كەزدە تەندەرلىك كوميسسيا تەندەر نەمەسە جابىق تەندەر شارتتارىن, وبەكتىنى ساتىپ الۋ باعاسىن وزگەرتۋى جانە جاڭا تەندەر نەمەسە جابىق تەندەر جاريالاۋى مۇمكىن.
48. وبەكتىنى سەنىمگەرلىك باسقارۋ وسى قاعيدالارعا 2-قوسىمشاعا سايكەس ۇلگىلىك شارتقا ساي جاسالاتىن شارت نەگىزىندە تۋىندايدى (قۇرىلادى).
قۇرىلتايشىنىڭ باسشىسى نە ونىڭ مىندەتىن اتقارۋشى تۇلعا تەندەر ناتيجەلەرى تۋرالى حاتتاماعا قول قويعان كۇننەن باستاپ ون جۇمىس كۇننەن كەشىكتىرمەي سەنىمگەرلىك باسقارۋشىمەن شارت جاساسادى.
تەندەر جەڭىمپازى قۇرىلتايشىعا شارتقا قول قويۋ كەزىندە وتىنىمگە قوسا تىركەلگەن قۇجاتتاردىڭ تۇپنۇسقالارىن نە نوتاريات راستاعان كوشىرمەلەرىن تەكسەرۋ ءۇشىن ۇسىنادى.
49. جىلجىمايتىن م ۇلىككە ارنالعان سەنىمگەرلىك باسقارۋ شارتى مەملەكەتتىك تىركەلۋى ءتيىس. شارتتى مەملەكەتتىك تىركەۋ سەنىمگەرلىك باسقارۋشىنىڭ قاراجاتى ەسەبىنەن جۇزەگە اسىرىلادى.
50. شارت تەندەر جەڭىمپازىنىڭ تەندەرلىك ۇسىنىستارىنا سايكەس شارتتاردى كوزدەيدى.
51. قاجەت بولعان جاعدايدا مىنالارعا:
1) وبەكتىگە ينۆەستيتسيالاردىڭ كولەمىنە, تۇرلەرىنە جانە مەرزىمدەرىنە;
2) ءوندىرىس كولەمىنە, شىعارىلاتىن ءونىمنىڭ نەمەسە كورسەتىلەتىن قىزمەتتەردىڭ تۇرلەرى مەن نومەنكلاتۋراسىنا;
3) بەلگىلى ءبىر تۇتىنۋشىلارعا ءونىمدى جەتكىزۋگە;
4) باعا بەلگىلەۋگە, ونىڭ ىشىندە باعالاردىڭ شەكتى دەڭگەيى بويىنشا شەكتەۋلەرگە;
5) تابيعات قورعاۋ ءىس-شارالارىن وتكىزۋگە;
6) قازىرگى جۇمىس ورىندارىنىڭ سانىن ساقتاپ قالۋعا نەمەسە جاڭالارىن اشۋعا;
7) وندىرىستىك جانە الەۋمەتتىك ينفراقۇرىلىم وبەكتىلەرىن پايدالانۋ تارتىبىنە;
8) وبەكتىنىڭ بەرەشەكتەرىن بەلگىلەنگەن مەرزىمدەردە وتەۋگە;
9) سەنىمگەرلىك باسقارۋشىنىڭ وبەكتىنى كەيىن ساتىپ الۋىنا;
10) مامىلەلەر جاساسۋعا جانە/نەمەسە بەلگىلى ءبىر ۋاقىت كەزەڭى ىشىندە وبەكتىگە قاتىستى بەلگىلى ءبىر ءىس-قيمىلدارعا تىيىم سالۋعا;
11) وبەكتىنىڭ نارىقتىق قۇنىن تولەۋ ءۇشىن ءبولىپ تولەۋدى ۇسىنۋعا;
12) وبەكتىنى سەنىمگەرلىك باسقارۋعا بەرۋ كەزىندە تۋىندايتىن سالىقتىق مىندەتتەمەلەرگە قاتىستى سەنىمگەرلىك باسقارۋ مىندەتتەمەلەرى وبەكتىنى سەنىمگەرلىك باسقارۋعا بەرۋ شارتتارى بولادى.
مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارىنا 1-قوسىمشا
نىسان
مەملەكەتتىك م ۇلىكتى سەنىمگەرلىك باسقارۋعا بەرۋ جونىندەگى تەندەرگە قاتىسۋعا
ءوتىنىم
1. _____ مەرزىمگە كەيىننەن ساتىپ الۋ (قۇقىعىمەن/قۇقىعىنسىز) ___________________________________
_________________________________________________________________________________________
(وبەكتىنىڭ اتاۋى)
سەنىمگەرلىك باسقارۋعا بەرۋ جونىندەگى تەندەر وتكىزۋ تۋرالى جاريالانعان حابارلامانى قاراپ جانە
مەملەكەتتىك م ۇلىكتى سەنىمگەرلىك باسقارۋعا بەرۋ قاعيدالارىمەن تانىسا وتىرىپ, مەن, تومەندە قول قويۋشى
__________________________________________________________________________________________
(تەگى, اتى, اكەسىنىڭ اتى (بولعان جاعدايدا) تولىعىمەن, نە زاڭدى تۇلعانىڭ اتاۋى)
__________________________________________________________________________________________
تەندەرگە قاتىسۋعا ءوتىنىمدى قابىلداۋدى جانە 20__ جىلعى «___» _______________ ينتەرنەت جەلىسىندە
www.gosreestr.kz مەكەنجايى بويىنشا ورنالاستىرىلعان مەملەكەتتىك م ۇلىك ءتىزىلىمىنىڭ ۆەب-پورتالىندا
وتەتىن تەندەرگە قاتىسۋشى رەتىندە تىركەۋدى سۇرايمىن.
2. ءبىز (مەن) ________________________________________ سوماسىندا (سوماسى تەڭگەمەن, ونىڭ ىشىندە
جازۋمەن كورسەتىلەدى) تەندەرگە قاتىسۋ ءۇشىن حابارلامادا كورسەتىلگەن مەملەكەتتىك م ۇلىكتى ەسەپكە الۋ
سالاسىنداعى بىرىڭعاي وپەراتور (بۇدان ءارى – بىرىڭعاي وپەراتور) شوتىنا:
__________________________________________________________________________________________
(جسن, بسن, تولەمدى تاعايىنداۋ كودى, كبە, مەكەمەنىڭ كودى) كەپىلدىك جارنا ەنگىزدىك (ەنگىزدىم).
كەپىلدىك جارنا ەنگىزىلگەن سەنىمگەرلىك باسقارۋ